الجنسية حق لمن ؟؟؟؟؟؟؟

[الفارس القطري]

السلام عليكم ،،،،،

هذي اول مشاركة لي واتمنى الموضوع تقولون شرايكم فيه بصراحة

الموضوع : الجنسية حق لمن ؟

اتصل علي واحد من اعز اصدقائي وقالي سالفه حاب اقولها لكم واعرف

رايكم بالموضوع الصراحة

اتصل علي وقالي انه اخوه امس كان موقف سيارته صوب الكرنيش ولا

واحد رد عليه بسيارته ونزل اخو رفيجي يقوله عسى ماشر شفيك رجعت

علي ودعمتني ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

طبعا الرجال نزل من السيارة وكان ظن اخو رفيجي انه الرجال بيقول انا

اسف اسمحلي ولا الرجال طلع عراقي ويصارخ عليه بعالي الصوت ويقوله

اسمع انا قطري حالي حالك !!!!!!!!!!!!!!!!!!!!!!!!!!!!

رفيجي اخو قاله اشدخل قطري حالي حالك بالسالفه وجت الشرطه طبعا

ماصار شي حادث وانتهى .

يسالني رفيجي ليش ذا العراقي قال هل الكلام مع انه اخوي ماقاله شي ؟؟؟؟

قلت له : والكل يقرا ارجوكم لو انه ذا الرجال عاش سنين عمره اهني

وعطوه الجواز كان ماقال هل الكلام لانه يعرف طيبه اهل قطر واكيد بيكون

منهم لانه عاش معاهم عمره كله اما انه ماله كم شهر وعطوه الجنسية

طبعا بقول هل الكلام واكثر لانه ماتعب بالحصول عليها جاته بارده مبرده

وزين ماطق اخو رفيجي وكسر راسه بعد ذا العراقي

المشكلة انه الجنسية تصرف لناس لايستحقون شرف الحصول عليها والي

يستحق الجنسية لالالالالالالالالالالالالالالازم ينطر طول عمره السراب الي

عمره مايتحقق

حاب اعرف تعليقاتكم على الموضوع واتمنى ماكون طولت عليكم

[QATAR]

هذي من مساوي التجنيس وادخال عنصر غريب على مجتمع كان يضرب فيه المثل بتكاتفة ومحبتة لبعض ,,
ومن جابوا هالمجنسين وحالتنا حالة والمجتمع متفكك من عادات دخلوها عليه الغرباء,,

والمفروض الشباب مايسكتون له !!

[الفارس القطري]

اشكرك اخوي العزيز راشد على المرور والتعليق والله يستر من الي جاي المشكلة في قوانين ماتطبق تمها في الادراج ومنها قانون الجنسية الي لين الحين ماطبقوه بس يعطون الي يبونه يعني ليش اعلنوا عن هذا القانون من حول سنتين وماطبق والي جاي ماله ايام يستلم ويقولك حالي حالك الله يستر من الي جاي

[الفارس القطري]

اخوي راشد اخو رفيجي ماكان بيسكت له وكان يبي يشتكي عليه بس بعد صلاة العشاء صله ركعتين استخارة وهون عن الموضوع

[عين أبوها]

لا حول ولا قوة الا بالله ..:mad:

عاد هذا يقول انا قطري .. اقوله بعينك دور اصلك واحمد ربك عطيناك الجواز ..

ولو انت ولد نعمة كان مانسيتن اصلك يالعراقي ..

وان كثر والله يروح فيها .. <<< يحمد ربه والله اني بنت وان هالموقف موب معاي انا :D

اخوي اللي سواها ربيعكم سوه وخذ اجره عند ربه .. والا كان المفروض يشتكي عليه ويقول حق العراقي لو انت صج اقطري روني اشلون تطلع منها :cool:


وانا من رايي ان يتم منح هالفئه الغير المواطنه جوزات مؤقته .. نفس جواز المهمات .. عشان يعرفون ان الله حق وان في اي وقت وباي غلطه راح ينسحب منهم ..

[ماسة قطر]

شدخل حالي حالك ..................... ما صدق عطوه الجنسية ...
على قولتك أخوي الفارس القطري ... ماخذها بارده مبرده ولو هو صج عايش في قطر كان قلبه على اهلها ومنهم وفيهم ...
والله في ناس اولى انهم ياخذون جوازه .............. ومن سنين هني والواحد يستغرب وينصدم اذا عرف انه مب قطري ....
المفروض تكون في قوانين واضحة حق اللي بيعطونه الجنسية ...
وناس فعلا تستحق ...
واشكرك على طرحك لهذا الموضوع .... المهم من وجهة نظري ...

[عيني قطر]

لا وازيدكم من الشعر بيت سوداني عنده جواز قطري وراتبه 45الف انا ما احسده على الراتب لكن السؤال ؟ الى متى هذا التخبط العشوائي بالتجنيس ؟؟؟؟ ياناس فيه قطريين اولى بها .. هذا غير اللاعبين والعاملين التي تحتاجهم الدوله في مهمات خاصة..
الله يستر من الجاي

[الفارس القطري]

اشكر عين ابوها وماسه قطر وعيني قطر على التعليق على الموضوع ياجماعه احنا ماننكر انه عددنا قليل وعندنا خلل في التركيبه السكانيه وهذا الخلل بيأثر على التقدم الاقتصادي وبيأثر بعد علينا وقلنا مافيها شي اذا حد ينطبق عليه شروط اكتسابه الجنسيه عليه بالعافيه ويستاهل عاش في البلاد كل حياته وهومنا بس المشكلة القانون الي صادر عن الداخليه غير مطبق وظالم ناس واجد اما الي يجي له شهر شهرين وعنده واسطه يستلم على طول ممكن اعرف السبب ياخي بتقولين لي كفاءه زين ماقلنا شي احنا بحاجة للكفاءات زين والناس الي لهم 60 و50 سنه واهلهم عاشوا وماتوا اهني وعيالهم عايشين معانا زين ابناء القطريات والي عنده جواز هو مرته وعيالهم ماعندهم ولا تحصل اخوان قطرين واخون لا من نفس الام والاب
يعني الصراحة هذي فضيحه لنا بشتى المقاييس حلوا مشاكل الناس بعدين جنسو بشهر شهرين ماله في البلاد حسب الحاجة وحسب الكفاءه وحسب اشياء واجد مب عطه وخلاص والي عايشين هني سنين مالهم غير السراب

وشاكر لكم

[بدر المحبة]

اخوي الفارس الصغير يعطيك العافيه على طرح هالموضوع
والعراقي هذا قال هالكلام عشان يخبركم انه قطري يعني ياويلك ياللي تعدى علي ههههههههه المضحك انه شو اللي جاب انا قطري حالي حالك صراحه مايستحقها الا اهلها وحرام دخلو علينا هالاشكال بيخربون ديرتنا والله وكل شي بيسوونه بتطيح في روس اهل قطري اي لانه قطري ويحمل الجنسيه والله قهر
انا اظمن ومتأكد ميه بالميه لو احد جاهم من ابناء الخليج انهم مايعطونه الجنسيه واحد من الربع في السعوديه سعودي هو ويقول ياليتني اخذ الجنسيه بس ميت على قطر كل اجازه مايروح مكان الا لقطر ويرد يعني فيه حب لقطر مو طبيعي ابوه يسميه ولد قطر يعني استهزاء به وهو يقول حب قطر يجري في عروقي طيب في ذمتكم هذا ما يستحق الجنسيه على الاقل منا وفينا مو عراقي ولا جنسيه ثانيه مع احترامي للكل
وانا ابصم بايديني العشر لو تقدم ماراح يعطونه بيلقون الف عذر وعذر
لكن الشكوى لله والشكوى لغيره مذله
((تجري الرياح بمالاتشتهي السفن))

يعطيك العافيه اخوي الفارس القطري على طرح هالموضوع

وربك كريم والله يستر من الجاي

[كرباج]

ولكن في نهاية المطاف


قطري


حاله حالك
وله من الحقوق مثل مالك


فالأرض لا تزرع انسان

[الأمبراطور]

مشكور اخوي على طرحك الجميل

ومثل ما قالو الأخوان ما خلينا حد ما جنسناه

وصبح هذا الشي هو المعروف عن قطر

ومشاهد كثيره لا بقولها ما راح اخلص

على العموم لا هانك الله اخوي الفارس

تقبل مروري

[^السنافي^]

يعطيك العافيه اخوووووووي الفارس والحمد لله على سلامة رفيقك ماثوووور فيه هاه العراقي .
اقولك ليش نافخ نفسه ؟
لآن التفرقه العنصريه موجوده عندهم في العراق من ايام صدام حزب البعث الى مابعد صدام حرب الطوائف الي صار حرب اهليه .
قـــــــــــــــــــــــــــــــــــــــــــــــــ ــــانون الجنسية في قطر متذبذب يعني مثلاٌ
واحد دخل قووووووووووووووووووووول ياخذ جواز ،،،،،، حلو
واحد فنان طق طق طق عاااااااشو !!!! ياخذ جواز ،،،،،، حلو
واحد !!!!!!!!!!!!!!!!!!!!!!!!!!!!!!!!!!!!!!!!!!!! الخ والله يستر من قانون الجنسية
الحين كلنا ياهل قطر مـــــــــــــــــــــــــــــــــــــــــب اقطريين في القانون
انا لاانكر وطنية كل مواطن من هلي وحبايبي بس القانون يقول كذا والدليل البند الموجود في خلف جواز السفر افضحووووووووووووووووونها عند اخوانا الخليجييين
ياااااااخي فيه جواز في العالم ملك لدوله ؟
وين صارت هاذي
لالالالالالالالالالالالالالالالالالالالالالاكن انا مااستغرب شئ على اميرناء الله يطول عمره انه يغير هاه القانون الي اصبح الهم الشاغل لاهل قطر كافه بعد ماسمعنا من اسقاط الجنسيه على قبيله معروفه في قطر وهو الي رد عليهم جنسيتهم الله يطول في عمره
نبي قانون يجعل حد لهاذه الفقره الي تقول :-
ان هاذا الجواز يبقى ملك لدوله
وشكرااااااااااااااااااا على طرح هاذا الموضوع

[الفارس القطري]

اشكر بدر المحبه على التعليق على الموضوع واشكر بعد كرباج على التعليق الصراحة ردك قنبله ههههههههههههههههههههههههههههه شاكر لكم مشاركتم وتعليقاتكم على الموضوع

[الفارس القطري]

اشكر الامبراطور والسنافي على المرور وانا معاك اخوي السنافي في رايك وايده 100% وشاكر لكم اخواني التعليق على الموضوع

[اليتيمة]

يعطيك العافيه اخوي الفارس القطري وصح لسانك

احنا عيال البلد مالنا حق او اي اهتمام والغريب له كل شي

[الفارس القطري]

اشكر الجوهرة على المرور وشاكرلك اختي والله يسهل امور الجميع واشكر كل من علق على الموضوع وبارك الله فيكم

[عاشورج]

اتمنا حكومة قطر ماتعطي الاجانب جنسيات تراء البلد بصير مثل ماصرات علية البحرين يوم عطو السورين والاردنين الجنسية وهم هنا في قطر الاجانب يكلون خيره والله يكرمكم --------فيها المعنى واضح وناكرين المعروف في اهلها وحسدينهم على بيوتنا وعلى معاشتنا

[ستوب انا التوب]

الله المستعان هذي النوعيه تسحب منها الجنسيه ويتربا من جديد ويتعلم الاد ب علشان مايتكلم بسم القطرين بلهجه المتكبره وماينقل صوره سيئه عن القطرين

[فاقد الأمل]

السلام عليكم ورحمة الله وبركاته
اخواني بصراحة كل واحد يحاول يأمن مستقبلة من الحين لأن بعد كم سنة احنا الي طالعين وأهمة الي داشين

[بن قطرية]

احنا ابناء القطريات

اتمنى يلتفتون لنا

هاي بلادنا ومالنا غيرها

بنعمر ونبي فيها وبنظل نحبها

ونفديها بارواحنا سواء

عطونا دفتر الجواز ولا ماعطونا

حنا انتمائنا قطري 100% ومحد يقدر

ينزع منا هالانتماء

وسواء اعترفو بنا ام لم يعترفو

احنا قطريين ونقولها باعلى صوت

احنا قطريين

والله يحفظ بلادنا ويحفظ اميرنا

[اللورد]

احنا ابناء القطريات

اتمنى يلتفتون لنا

هاي بلادنا ومالنا غيرها

بنعمر ونبي فيها وبنظل نحبها

ونفديها بارواحنا سواء

عطونا دفتر الجواز ولا ماعطونا

حنا انتمائنا قطري 100% ومحد يقدر

ينزع منا هالانتماء

وسواء اعترفو بنا ام لم يعترفو

احنا قطريين ونقولها باعلى صوت

احنا قطريين

والله يحفظ بلادنا ويحفظ اميرنا

اللهم امين


وان شاء الله
يتم حل مشكلتكم

[دمي عنابي]

للا عبين


ولك مني الشكر

[فراس]

والله اشوف التجنيس مصالح ومعارف وانتو الحين اتشفون المتغربين عندنا شيفين انفسهم ورافعين خشومهم وذا كلمتهم ردو بعشر واتمنى مايستحق الجنسيه الا الخليجي اصل وفصل والمفروض من اخو رفيجك انه داسه دوس عشان ايعرف اصله لان معاد يحترمونا والله صارلي مواقف معهم بس يعرفون صيدتهم بس الله يعينا على التجنيس ومشكور اخوي الفارس ع الموضوع المهم جدآ وأضيف راييء معا رأيك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[الفارس القطري]

اشكر جميع من شارك في الموضوع واحد واحد والي حابه اقوله احنا مانبي نمنع الزرق حق حد ومحد ينكر ان الجنسيه رزق من رب العالمين كل الي نبيه انه عندنا ناس في البلاد لهم فترات طويله ولين الحين ماخذو حقوقهم الانسانيه وهي (( الجنسيه القطريه)) ، انا كل الي اطالب به انهم يساوهم بالاشخاص الي ماله فتره في البلاد وماتنطبق عليه قوانين الجنسيه وياخذ وذيل الي تنطبق عليهم القوانين مايستلمون وان استملوا مايستلمون كلهم ، كل الي ابيه في نهايه الموضوع تفعيل القانون الجديد للجنسيه (( وماينحط في الادراج )) ويتخزن الى مالا نهايه ، عندكم قانون جنسيه فعلوه وخلي كل واحد ياخذ حقه حسب القانون والله الموفق وشاكر لكم جميع مره ثانيه .

خلو قلوبنا نظيفه حنا مانبي نظلم حد ونقول عطي ولا ماتعطتي خلي رب العالمين ثم القانون الجنسيه الذي تم اصداره من سنتين ونص ولم يفعل يكون هذا القانون هو المرجع للحصول على الجنسيه وطبعا بيكون في استثناءات لاشخاص ماينطبق عليهم القانون بس مايكون الاستثناء هو الاساس بالموضوع والقانون مايطبق ويتم الموضوع ماهو واضح اتوقع سرنا بعام 2008 .

مافيها شي لو عطينا جناسي حق ناس تستحق حسب القانون مافيها شي والله من وراء القصد ،،،

[وطنـــــية]

صج مب شايف خير .. هاي نتايج التجنيس العشوائي .. حارمين ناس تربو وانولدوا هني .. واعيال القطريات من أجانب ومعطيين كل من هب ودب ..


لا للتجنيـــــــــس العشــــوائي ..

[الفارس القطري]

اشكر اختي وطنيه على التعليق على الموضوع

[بوغزلان]

يالربع انا مب مجامل بس بقول شغله لو يطيح بيدي هالعراقي والله لا آكله ياخي عين القهر انت بدال ما تحشم نفسك وتتبع القوانيين الخاصه بالمرور تنزل من موترك واتقول حالي حالك ...!!! شنو هااااي ؟

والله احنا شباب قطر والكل يدري لما انشوووف قطري يفوشر والا يتكبر على اجنبي والا مقيم بما انه قطري ترا نحتقره وهو قطري فما بالكم لما يكون اجنبي وعنده الجواز يقعد يتطاول عليك بالسانه والله لا اقصه واخليه عبره لمن لا يعتبر وابي من يوقفني عند حبي .....


مشكورين عالموضوع

[ايمان]

هناك الكثير ممن يستحقون الجنسيه من عاش وتربى في ديرتنا الحبيبه قطر

لا يعرف ارضاً سواها ومع ذاك تلقاهم ممن يحملون الوثيقه القطريه

والله شي يعور القلب هم المشكله مو عارفين يوصلون مشكلتهم وهمومهم

خلونا نكون صوتهم ونساعد اخواننا المستحقين

تعليق بسيط للأخ اتقول رفيجك سعودي عشان يحب قطر نعطيه الجنسيه هذا مو مقياس ولا من العدل

هناك على ارض وطنك من اكثر اسحقاقاً منه وخلونا واقعيين اكثر هو يحمل على الأقل جنسيه

بس اللي موجودين عندنا عندهم وثيقه اتعرف شنو وثيقه وانا اتمنى ان دول الخليج التعاون

انهم يسحبون جنسيه من يحملون جنسيتين في نفس الوقت ويخيرونه بوحده منهم وبجذي راح تنحل المشكله

مع احترامي لجميع الأراء

[الفارس القطري]

اشكر بوغزلان وايمان على المرور والتعليق على الموضوع والله يفرج كرب المكروبين امين يارب

[عين السيح]

العب كوره واحصل على جواز مجاااني

لا حول ولا قوة الا بالله

[الكعبي]

هناك الكثير ممن يستحقون الجنسيه من عاش وتربى في ديرتنا الحبيبه قطر

لا يعرف ارضاً سواها ومع ذاك تلقاهم ممن يحملون الوثيقه القطريه

والله شي يعور القلب هم المشكله مو عارفين يوصلون مشكلتهم وهمومهم

خلونا نكون صوتهم ونساعد اخواننا المستحقين

تعليق بسيط للأخ اتقول رفيجك سعودي عشان يحب قطر نعطيه الجنسيه هذا مو مقياس ولا من العدل

هناك على ارض وطنك من اكثر اسحقاقاً منه وخلونا واقعيين اكثر هو يحمل على الأقل جنسيه

بس اللي موجودين عندنا عندهم وثيقه اتعرف شنو وثيقه وانا اتمنى ان دول الخليج التعاون

انهم يسحبون جنسيه من يحملون جنسيتين في نفس الوقت ويخيرونه بوحده منهم وبجذي راح تنحل المشكله

مع احترامي لجميع الأراء




عزيزتي : أيمان

كلامج منطقي وعين العقل ، لكن ومع الاسف لاحياه لمن تنادي ... !!

التجنيس صار عشوائي أو لهدف معين مثل لعب كرة القدم أو غيرة

هذي الحقيقة المرة للي عايشينها

في النهاية مجرد رأي لا أكثر

أخوج : الكعبي

[الفارس القطري]

اشكر اخوي الكعبي على المشاركه والتعليق الي في الصميم بس صدقني واقسم بالله العلي العظيم

انه الامل بعد الله بقائدنا واميرنا المفدى حمد الانسانيه والعطاء حمد الخيروالعدل وقريب ان شاء الله

تحقق احلام الكثير من الناس الي يحلمون بشرف الانتماء الى هذا الوطن المجيد

[وثيقة سفر]

بسم الله الرحمن الرحيم

و به نستعين

في البداية حاب اني و بصفتي واحد من (( حملة الوثيقة القطرية)) اني اشكر الي طرح الموضوع وردودكم الجميله و الي فتحت جروح كبيره في نفسي.. و انا اناشد اصحاب القلوب الرحمة و على رأسهم سمو الامير المفدي و ولي عهده الامين النظر في حالنا بشكل ضروري و سريع ..

حالة الناس الي عاشوا سنين القحط في الاربعينات و خدموا في قطاع النفط من القرن الماضي ,, و لا زالوا يخدمون هذا الوطن الين اخر يوم في حياتهم

الامل بالله عز وجل كبير بس ما بقي من العمر كثر ما مضي لانه العمر يمضي .. حتي حلمنا بالاستقرار صار صعب جدا بدون هذا الجواز

و السلام عليكم و رحمة الله و بركاته

وثيقة سفر

[الفارس القطري]

اشكر اخوي وثيقه سفر على التعليق على الموضوع وباذن الله عزوجل ومن ثم سمو اميرنا المفدى
بتنحل كل مشاكل المتعلقه بالجنسية للجميع املنا برب العالمين ومن ثم سيدي حضره صاحب السمو كبيرة باذن الله تعالى قولوا امين

[بقايا صوت]

جوازنا صار ينصرف للمغتربين العراقيين والفلسطنيين والايرانيين وغيرهم وغيرهم

اما عيال الديرة تنسحب منهم بدون وجه حق

ويتلتهون وهم يدورون لهم مساكن بوسط هالايجارات الغاليه وارتفاع الاسعار

و يدورون وظايف وما يلقون هاي غير الدراسه ومصاريفها

والله قهر

اقسم بالله قهر

[الفارس القطري]

بقايا صوت احنا نتكلم في موضوع عن ناس مالهم فترات طويله سنه سنتين في البلاد وحصلوا جناسي
ونسوا الناس الي لهم سنين طويله معانا

مافي داعي اخوي تكلم على جنسيات معينه ولا تعمم لو سمحت خلي ذا المنتدى نظيف وقلوب اعضاءه

نظيفه

[بنت كشخه]

يمكن انسان متخرع وتوه ماخذ الجواز
ولكن لو نفترض اشدراك انه عراقي يمكن سوري ويمكن اردني ويمكن فعلاً قطري ومن غير زعل رواك جنسية اللي قبل (( لاتحط في ذمتك ))

[الأصل]

اشكركل القائمين على هذا المنتدى الرائع وأعضاءه الكرام
على مناقشة مثل هذه المواضيع المهة جدا


الله يعطيكم الصحة والعافيه اضم صوتي لكم وازيد وأقول
بالإضافة الى اللاعبين في كرة القدم وغيرهم الله يرزقهم جميعا
هناك من قدم لقطرالحبيبة الكثير من ا لإنجازات
والكثير من الميدليات الذهبية على مستوى العالم
مثلا في فن التصوير الفوتوغرافي وغيرهم ويقيمون من عشرات السنين
على هذه الأرض الطيبة
ويتمنون أن يصل صوتهم الى من يهمه الأمر لعل الله يوفقهم
وسموالأميرالله يطول في عمره
ما يقصر في النظر الى هذه الفئة
التي تشرفت ويشرفها دائما رفع إسم قطرعاليا
في المحافل الدولية
دمتم في حفظ الرحمن

[الفارس القطري]

اشكر اخوي الاصل على التعليق على الموضوع وبارك الله فيك يالغالي

[ولد السادة]

أهو جت على العراقي بس؟؟؟ هذا ولا شي أنه جاني عراقي في الشغل سألني عن شغله ولا لي بها أي علم أو دخل ودليته على الموظف المختص عن هاي الشغلة جان يرد علي جدام الناس اذا أنت ما تعرف لا تفتي!!!! رديت عليه وقلت له عفوا أنا ما أفتيت عليك بشي أنه قلت لك الموظف المختص اهناك ويرد علي بكل وقاحة مرة ثانية بصوت عالي لا تفتي بشي انت ما تعرفه.:mad: عطوني رايكم؟:confused: المشكلة انه مب بس بالقطري ومب قطري فيه ناس وايد مثله لاننا احنا عطيناهم ويه ونحترمهم, بعضهم يتعدون بالضرب والسب على اخواننا وآبائنا بس من الفضايح ما تنحط في الجرايد. من ناحية ثانية عمي الله يرحمه كان من سنة مقدم على الجنسية بما انه اصله قطري وعاش بقطر بس اضطررته الظروف انه يسافر بأحد الدول الخليجية وعاش اهناك فترة الستينات عشان خالاته الله يرحمهم, بس رفضوا الجماعة جزاهم الله خير وقالوا له لازم تسكن بقطر 30 سنة بعد!!! وهو عمره 69سنة بعدها بفترة بسيطة توفى الله يرحمه وما تجنس.:(

[سهم قطري]

ودنا نعرف متى سيتم تطبيق القانون اميرنا الله يطول في عمره ماقصر اصدر القانون بس ماتنفذ ممكن نعرف ليش ،،،مع ان شروط القانون كلها تنطبق علينا وهي:

1- الاولوية للأم القطرية=امي قطري
2- عاش في قطر 25 سنة=انا من مواليد قطر سنة 1976
3-الحمدلله نعرف نكتب ونقرأ
4-عندي مصدر رزق
5-حسن السيرة والسلوك
كل هالشروط تنبق علي يعني مانستاهل ،،،نرجوا من اميرنا امير الكرم والجود تطبيق القانون بأسرع وقت وشكرا لكم

وشكرا لكاتب الموضوع

[عنــود الصيـد]

هذا اكبر غلط

انا اشوف ان الجواز القطري غاااااااااااالي
ومب اي حد ينعطى العناااابي

وماندري كم صار له في الدوحه ويقول انا قطري

والله اني اشووف الجنسيه احق للمواليد الاجانب اللي مولودين بالدوحه

على الاقل انولدوا على ارضها وماعرفوا غيرها


ومب يجينا وااحد من الخارج وعلى طول نقبضه الجواز وهو ماعاش بقطر ومايعرف شي عنها

[قطريه بلا هويه]

شكرا لكاتب الموضوع



واللي صار لهم 35 سنه وماعندهم جنسيه وهم قبيله معروفه على المستوى العربي
وماعندهم جنسيه قطريه وهم يستحقونها من لهم؟؟؟ لا دراسه ولا زواج ولا وظيفه من لهم؟؟


ان لله وانا اليه راجعون

[أم مريم]

السلام عليكم

قريت موضع هالعراقي الله يهديه وبصراحة حرقة قلب كل من هب ودب قال لك انا قطري
ترى الانتماء مب بالجواز الانتماء بحب هالوطن ..
بس شنقول غير الله يعين هالقطر على الغربتيه

[سهم قطري]

شكرا لكاتب الموضوع



واللي صار لهم 35 سنه وماعندهم جنسيه وهم قبيله معروفه على المستوى العربي
وماعندهم جنسيه قطريه وهم يستحقونها من لهم؟؟؟ لا دراسه ولا زواج ولا وظيفه من لهم؟؟


ان لله وانا اليه راجعون

واللي كان عندهم واسحبوا الجنسية منهم وهو مالهم ذنب خليها على الله وان شاء الله الامير الله يطول بعمره مابيقصر معانا

[اليتيمة]

الله كريم وان شاء الله تنحل مشكلتنا عن قريب

[الفارس القطري]

اشكركم جميع سهم قطري ، عنود الصيد ، قطريه بلاهويه ، ام مريم ، سهم قطري ، الجوهرة

والله مادري شاقولكم بس الصراحه كل شي بيد الله ثم سيدي سمو الامير الوالد القائد وباذن الله تنحل

كل المشاكل المتعلقه بالجنسيه القطريه وان شاء الله الحل قريب صدوقني الحل قريب