اقتراح لفتح موضوع في برنامج وطني الحبيب..وأظني القطريين لهم الحق..

[دمعه]

السلام عليكم ورحمة الله وبركاته..

اشحالكم اخواني واخواتي .. ان شاء الله كلن بحاله و بخير..


المهم ما بطول عليكم..

حبيت انكم يا المسؤولين عن برنامج وطني الحبيب صباح الخير..

انكم تفتحون موضوع الاراضي والبيوت..

يعني واللي انا اعرفه .. القطري اللي يتزوج تظهر له ارض صح ؟

انزين شو يسوي بهالارض اذا كانت امكانياته ما تسمح له انه يبنيها..
وانتو اتعرفون الاسعار هالايام نار... يعني اذا الواحد بيبني غرفة يمكن تاخذ منه فوق الاميه الف...انا غرفتي بس ديكور 30000 فما بالكم بناء بيت كامل...

يعني الله يعطيكم العافيه..

شو رايكم اتناقشون موضوع ..انه اللي عنده ارض يستوي يبدلها مقابل بيت

او اللي عنده بيت يبدله مقابل ارض..

او اذا كلش ملفي فايده من هالاقتراح..يعني الحكومه اتساعده اشوي بمبلغ عشان يبدي فيه بناء البيت على هالارض..
...

والله لو اتشوفون هالموضوع .. بكون شاكره لكم؟

.................................................. .....

ربي يعطيكم الصحه والعافيه

[عين أبوها]

السلام عليكم ورحمة الله وبركاته..

اشحالكم اخواني واخواتي .. ان شاء الله كلن بحاله و بخير..


المهم ما بطول عليكم..

حبيت انكم يا المسؤولين عن برنامج وطني الحبيب صباح الخير..

انكم تفتحون موضوع الاراضي والبيوت..

يعني واللي انا اعرفه .. القطري اللي يتزوج تظهر له ارض صح ؟

انزين شو يسوي بهالارض اذا كانت امكانياته ما تسمح له انه يبنيها..
وانتو اتعرفون الاسعار هالايام نار... يعني اذا الواحد بيبني غرفة يمكن تاخذ منه فوق الاميه الف...انا غرفتي بس ديكور 30000 فما بالكم بناء بيت كامل...

يعني الله يعطيكم العافيه..

شو رايكم اتناقشون موضوع ..انه اللي عنده ارض يستوي يبدلها مقابل بيت

او اللي عنده بيت يبدله مقابل ارض..

او اذا كلش ملفي فايده من هالاقتراح..يعني الحكومه اتساعده اشوي بمبلغ عشان يبدي فيه بناء البيت على هالارض..
...

والله لو اتشوفون هالموضوع .. بكون شاكره لكم؟

.................................................. .....

ربي يعطيكم الصحه والعافيه


يا هلا فيج اماراتيه .. ويعطيج العافيه يالغلااا عالموضوع ..

بخصوص الارض .. صح كل مواطن متزوج له ارض .. تطلع له على حسب استيفاءه للشروط وتخليصه للاوراق والمعاملات المطلوبه ..
وحاليا عندنا من كم يوم فووق ال4000 مواطن استحقوا قرض البناء حق ارضهم ..

والدوله معطتهم قرض بحدود تقريبا 1.200.000 ريال .. و600.000 من المبلغ تكون غير الزاميه .. وطبعا في نسبه فوايد ..

والله يطول بعمر اميرنا بين فتره وفتره يقط القرض عنهم .. يزاه الله خير

وعن القرض تقريبا اغلب المواطنين راح يحتاجون مبلغ مايقل 75.000 للبناء (( البيت يكون عظم )) يعني راح يحتاجون للقرض الثاني ..

بس تدرين وين المشكله ..

المشكله ان شركات العقارات سامعه ان في احتمال فال4 شهور القادمه راح يرتفع سعر الطابوق والاسمنت .. فاذا كان هالشي صحيح راح يكون على المواطن الاستفاده من القرض كاملا (( 1.200.000 )) ريال ..

وانتمنى ان هالشي يكون موب صحيح .. واغلب الشركات اتقول بنتأكد من هالكلام .. وعقب انحدد سعر البناء ..

اتمنى اكون قلت شي عدل :D

[بدر المحبة]

اختي الاماراتيه يعطيج الف عافيه على طرح هالموضوع المهم
ومثل ماقلتي وقالت الاخت عين ابوها كل مواطن يتزوج تصرف له ارض على حسب استيفاء الشروط والاوراق الرسميه اللازمه

ومثل ماقالت اختي عين ابوها ابو مشعل مايقصر عسا ربي يطول بعمره ويجعله ذخراً لنا ولهذا الوطن الغالي وان شاء الله بيقط القروض عنا

وانتي قلتي اختي الاماراتيه ان غرفتج تكلفت 30000 الف يعني غرفه بس
يعني اللي بيبني له بيت الله يعينه يبني اللي بيقدر عليه واذا ما اكتمل يبني له خيمه بجنب بيته اللي ما اكتمل لين الله يفرجها
بس املي كبير با ابو مشعل عسا ربي يطول عمره ويخليه لنا
مايرضى ان ابناء قطر وبناتهم يعيشون المراره ويتذوقونها

ظني فيه مايخيب نسل الحرار جزاه الله عنا وعن كل اهل قطر خير الجزاء

اتمنى ان اللي سمعتيه يا عين ابوها
غير صحيح اتمنى ذلك لانه اذا كان صحيح رحنا فيها واكلناها صح

قلتي كل العدل ياعين ابوها

واختي الاماراتيه قالت كل العدل واشكرها على فتح الموضوع هذا

لاتحرمونا من جديدكم عسا ربي يوفقنا ويوفقكم



تحياتي

بدر المحبة

[عين أبوها]

اتمنى ان اللي سمعتيه يا عين ابوها
غير صحيح اتمنى ذلك لانه اذا كان صحيح رحنا فيها واكلناها صح

قلتي كل العدل ياعين ابوها



والله وانا اكتب الرد اقول اللحين لو درا بدر المحبه بيقفل :D

انشاءالله يكون هالشي مجرد كلام .. واذا في شي انا راح اكتبه ماحب اخش عن احد :rolleyes:

وانشاءالله باذن الله الامير ماراح يقصر .. لان من فتره كم شهر قط عن مايقارب 25000 مواطن قرض البناء .. (( هاي اللي انا سمعته ))


واخوي اذا طلع هالشي صج عن الاسمنت والطابوق .. ترا خيمتك علي انا باخذ لك خيمه ملكيه :D

تفاءل خير اخوي .. والله يوسعها

[بدر المحبة]

والله وانا اكتب الرد اقول اللحين لو درا بدر المحبه بيقفل :D

انشاءالله يكون هالشي مجرد كلام .. واذا في شي انا راح اكتبه ماحب اخش عن احد :rolleyes:

وانشاءالله باذن الله الامير ماراح يقصر .. لان من فتره كم شهر قط عن مايقارب 25000 مواطن قرض البناء .. (( هاي اللي انا سمعته ))


واخوي اذا طلع هالشي صج عن الاسمنت والطابوق .. ترا خيمتك علي انا باخذ لك خيمه ملكيه :D

تفاءل خير اخوي .. والله يوسعها

هههههههههههههه اي والله شدراج اني قفلت هههههههههههههه

ان شاء الله يكون مجرد كلام يارب واشكرج اللي ماتخبين عنا شي

سمو الامير ربي يحفظه مايقصر ايده سخيه متعوده على فعل الخير

وربي يسمع منج ونرتاح من هالكابوس المخيف اي والله كابوس

تتطنزين يالدبه ههههههههه

اوكي عيل خلاص موافق مو تأخرين علي وعدج ترى ما انسى هههههههههههههههههههه

عسا ربي يسلمج ويخليج

ان شاء الله مايحصل الا كل خير واحنا متفائلين والباقي على الله


اشكرج

عين ابوها

[دمعه]

يعطيكم العافيه

عين ابوها

بدر المحبه


اخواني كلامكم على عيني وعلى راسي

الله يحفظ الامير لكم ولنا بعد ويرعاه من كل باس يا رب


.............................

انزين اللي عليه دين قوي.. وطبعا اللي بياخذ هالقرض اللي ترمسون عنه
اكيد راح يخصمون من راتبه الشهري...

انزين اللي راتبه يالله يالله يكفي لين اخر الشهر وبعد يخصمون منه شو بيبقى منه

؟؟

ان شاء الله يتحقق اللي في بالي..

ويفتحون نظام استبدال الاراضي بالبيوت والعكس

شو فيها يعني عادي...بس يبيله اشويه دراسه..يمكن اشخاص حصلو بيوت ومحتاجين ارض والعكس طبعا

ان شاء الله عاد يفيد كلامي....


يعطيكم العافيه مره ثانيه اخواني بدر ...وعين ابوها ...لا خلا ولا عدم ياربي

[ستوب انا التوب]

الارض يبيلها كم سنها لين تطلع والقرض نفس المده والبنيان بعد كم سنه يعني يانه يحتكر في بيت ابوه لين اعياله يخلصون الابتدايه ويخلون الاعداديه او يتنازل عن نص راتبه حق الموجرويدبر نفسه بنص الباقي ياكل منه يدرس منه يعالج منه يسدد ديون منه الين يحصل نفسه انه طول السنوات الي يشتغله كان يكد على الديون والبيت اش سوى حق نفس اش وفر لليوم الاسود ولا شي

[طالب قرب]

طولتي السالفه مثل اسمج

اعتقد ايام البناء السابق ولت

[دمعه]

ستوب انتي التوب

مشكوره الغلا عالراي الطيب



طالب القرب...قربت السالفه
ليش ولت هالايام

مافي شي اسمه ولت

يعني لو يجتمعون عدد من الاشخاص على نفس الراي ويتحركون اشوي

ما اظني بيخسرون شي

واكيييييييد راح يسوون لهم شي

.................................................. ...........

انزين على الاقل اذا مافي مجال استبدال في ارض مقابل بيت

على الاقل يعني ارض مقابل شقه....وامره لله للي بيبدل بيتحمل ولا يتريا لما عياله يصيرون رياييل وبعد ما حصل شي...؟؟؟

[بوغزلان]

ارحب باختي اماراتيه على طرحها الموضوع المهم وارحب بعد اخواني وخواتي عالردو الطيبه

بس احب اختصر الموضوع بكلمتين ==> دام ما عندك فيتامين ( واو ) صدقني ما اتحصل لا على خضر والا يابس

يعني انا متزوج من 2004 وقدمت الاوراق المطلوبه كلها وفحصت بالصحه المدرسيه بعد ويبت لهم الاورقه وكله يقولون انتضر اتصال منا !!!!!!!! لين متى ان شاء الله

بس الواقع شي ثاني

يعني مثال بسيط مثلا انا ابوي مدير بدائره في البلد وييت وتقدمت بالاوراق مب يقولك انتضر الانصال يقولك اقعد على بال ما تشرب بيالة الشاي سند الملكيه بين ايدك !! تدرون ليش لانه اكيد هالموظف في يوم من الايام بحتاج لابو هالولد في خدمه !!
(( صديق لي في 2006 تزوج والله ارزقه في ولد في 2007 في غضوون شهر استلم سند الملكيه ))

اما حلاتي وحلات غيري الفقارى المساكين اللي واسطتنا ربنا بقولون لنا انتضر اتصالك وعقب راجعنا

[دمعه]

وانا وياك ياخوي فيتامين واو على قولتك مهم

بس ما يصير الصراحه واللي ما عنده يقعد وايدينه على خده

باجر بييه ياهل و2 و3 وين بيحطهم...المفروض الحكومه اتفكر بعيال بلدها وما اتخليهم في ضيق..



بس سؤال لو سمحتو ؟...

سمعت انه اللي يبي يبيع الارض ماله المشتري ما يقدر يحطيها باسمه ...يعني اذا جيه صج محد يقدر يبيع ارضه

واللي ما يقدر يبنيها...بتم سبيل الارض ولي متى ..

الله اعلم..؟؟؟....

[عين أبوها]

وانا وياك ياخوي فيتامين واو على قولتك مهم

بس ما يصير الصراحه واللي ما عنده يقعد وايدينه على خده

باجر بييه ياهل و2 و3 وين بيحطهم...المفروض الحكومه اتفكر بعيال بلدها وما اتخليهم في ضيق..



بس سؤال لو سمحتو ؟...

سمعت انه اللي يبي يبيع الارض ماله المشتري ما يقدر يحطيها باسمه ...يعني اذا جيه صج محد يقدر يبيع ارضه

واللي ما يقدر يبنيها...بتم سبيل الارض ولي متى ..

الله اعلم..؟؟؟....

الله يعينكم يارب ,.

مادري حبيبتي حسب معلوماتي .. ان المواطن اذا عطوه الارض .. مايحق له يبيعها ولا يأجرها .. لين مايبنيها ويسكنها ..
لان الارض صح باسمه .. لكنها مالت الحكومه .. ومنحه للمواطن .. للسكن ..

والله ماقدر افيدج بهالشي بس هذا حسب علمي .. لين مايسكنها ماراح يروم يتصرف بها ..

[بوغزلان]

عدل كلامج عين ابووها الارض ملك للدوله وليست للشخص ولو اتابعووون البرنامج قبل اسبوعين واحد اتصل قال انه انسحبت عليه الجنسيه بناء على ذلك انسحبت الارض , ولما ردت له الجنسيه ردت له الارض

[دمعه]

الله يعينكم يارب ,.

مادري حبيبتي حسب معلوماتي .. ان المواطن اذا عطوه الارض .. مايحق له يبيعها ولا يأجرها .. لين مايبنيها ويسكنها ..
لان الارض صح باسمه .. لكنها مالت الحومه .. ومنحه للمواطن .. للسكن ..

والله ماقدر افيدج بهالشي بس هذا حسب علمي .. لين مايسكنها ماراح يروم يتصرف بها ..

مشكوره فديتج عالافاده الطيبه

ولاعدمناج الغلا

[دمعه]

عدل كلامج عين ابووها الارض ملك للدوله وليست للشخص ولو اتابعووون البرنامج قبل اسبوعين واحد اتصل قال انه انسحبت عليه الجنسيه بناء على ذلك انسحبت الارض , ولما ردت له الجنسيه ردت له الارض


اكيد الحق للدوله بهالشي لأنه بس الاراضي للقطريين المتزوجين

بس حرام والله تبقى الارض على حالها لا بناء ولا شي

يالله

الله ويانا ان شاء الله

^_^