ظــاهرة سرق النعال الله يكرمكم

[قطري غيور]

الـسـلام عـليكم ورحمة الله وبركآته ..

شـحالكم أخواني وأخـواتي ..

راح أذكر لكم موقف مريت فيه الاسبوع الماضي .. في مسجد سوق وآقف الغربي :(

طلعت بـعد المغرب لسوق واقف لكي أشتري بعض الحاجيآت .. وولمـا توقفت في السوق إلا قـامت صـلاة الـعشاء تـعرفون زحمة الطريق الممله ..

المهم نزلت وصليت والحمدلله .. وعندما خـرجت لمـكان النعال أعزكم الله .. إلا مكانها فـآضي .. بحثت كثيراً وتفاجأت بثـلاثة أشخاص يبحثون مـثلي قلت لهم وش عندكم قالوا سرقت نـعالنا أكرمكم الله .. وواحد يقول حرآم ماخلوني أتهنى فيها توني الحين اشتريتها من تميمه .. وبالصدفه طلعت كل النعال تميمه المسروقه وكـأن هناك عصابه متخصصه في سرق نعال التميمه وعصابه أخرى لسرقة الانواع الاخرى ..

وطلع واحد قال لي شفيك أخوي قلت أنسرقت نعالي ضحك قال الله يعينك انا الاسبوع الماضي أنسرقت نعالي .. وكـأن الوضع صـار معروف في هذا المسجد .. وقال لي أخـر شوف أخوي خل معاك في السياره نوعين نوع العـادي ونوع الكشخه عشان لي صليت تلبس النوع العـادي !!!

يـعني صـار الوضع عـادي في سوق واقف .. شئ غريب صـرآحه ؟!!!!!

يـعني الناس تصلي وأهم شغالين تسرق في نعال الناس .. لاحول ولاقوة إلا بـالله

اللي صدمني وفشلني أكـثر .. أن واحد أجنبي قـال غريبه سرقه في قطر !! أول مره أسمع أن في قطر سرقه :(

ياجماعه مسجد سوق واقف واجهه للبلد حتى تصميمه تصميم ترآثي فريد من نوعه لكي يتوآكب مع سوق واقف الترآثي .. لكن حرآم يرجعون الناس حافين أو لابسين نعال الحمام أعزكم الله عشان يشترون نعال جديده ومـاخذين فكره سيئه عن السوق وعن قـطر ..

أنـا قمت بالواجب .. رحت لشرطة سوق واقف وبلغت عن السرقه وقلت لازم يكون هناك كاميرا للتصوير لكي يتم القبض على هذه العصابه المحترفه ..

أتـمنى أن نتناقش في هذا الموضوع وأن نـخرج بحل لهذه المشكله ..

شرايكم ؟

[بوبطي الكعبي]

انا صادني موقف ف رمضان طلعت عقب صلاة الترويح ماحصلة نعالتي رجعت البيت حافي

[قطري من قدي]

اخوي انا انسرقت نعالي في هالمسجد مرتين مع نوعه كان النوع العادي اللي هو فراشه لا حول ولا قوة الا بالله

[وضحى]

الله يعينكم

ما في الا حل واحد خلوا نعلكم فالسياره و انزلوا حافيين ههههههههههههه

ان شاء الله يصيدونهم صراحه ما يستحون حتى عند المسجد يسرقون ؟؟؟

[سلمان_قطر]

لاحول ولاقوة الا بالله ..

والله صج ناس ماعندهم سالفه اللي يبوق النعل عند باب المسيد ..
حرام عليه هالشي والله ترى الشخص ماراح يتهنى في اللي لابسهم والله ..

مكشور اخوي الكريم على الموضوع ماقصرت والله ..
تحياتي وتقديري لكـ ولشخصك الكريم

[**الجورى**]

لاحول ولاقوة الا بالله
والله حاله ماتركوا هالعاده يعنى للحين في ناس جذيه
الله يهديهم ياااااااارب انا اتذكر في رمضاااااان انعاني من هالمشكله

[المهنديه]

لاحول ولاقوة الابالله

اي والله شي يفشل .. والأهم من هاي كله

شلون يقدر يسرق شي من بيت الله..~

فعلاً ضروري يكون فيه كاميرآآت

حطو الكاميرات بـ كل مكـآن ..مستـ ح ــيل مايقدرون يحطونها عند المسـ ج ــد

تسلم اخوي ع ـالطرح,,

بآآرك الله فيكـ ,’

[روح الروح]

محد يسوي هالحركات الا جانب ...

والمفروض مثل سوق واقف فية كاميرات مثل ماقلت اخوي

ابوي ينزل بنعال عادية واذا بيزور احد اوعرس او اي شي يلبس التميمة ..

لان صج تعب كلة سرقة ..وخاصة صلاة الجمعة ...

حسبي الله عليهم ...

[مريوم]

والله قهر نعال التميمه معروفه اقل شي 800 ريال حسبي الله ونعم الوكيل صدق الحرامي صايدها من قلب شكل انتوا اتصلون وهو شغال يلبس النعال ويحطها على وحده وحده في السياره ههههههههههههههههههههههه
الله يعوض عليك اخوي ومر ثانيه تعال بزنوبات

[هجرس]

حسبي الله ونعمة الوكيل على كل سارق

[قطري غيور]

هههههههه أعـجبتني تـعليقآتكم

خـصوصاً البنآت .. تضحكون لأن مامر عليكم هـالموقف .. قولوا آمين عـسى تنسرق نعالكم عند صالونات التجميل وترجعون حـافين هههههه

اللي قآهرني أن لبست زنوبآت ورحت أشتري لي نـعال أي كـلام تخيلوا داخل السوق .. لأن جاي عندي شغله أبي أخلصها ..

صـح والله السوق كـامل كاميرآت إلى هالمسجد .. والله عـيب صرآحه اللي يصير عند المسـاجد :(

أتـمنى نـلاقي حـل لهذه المشكله

[كرباج]

انا واحد من الضحايا

[اللورد]

صادني هالموقف مره ورجعت البيت كعيبي

[بنت الكواري]

الحين الحراميه كاشخين في نعالكم خخخخخخخ

و الحرامي خطير ما يبوق اي نعال ايحب تميمه و فراشه

ظاهره موجوده في كل المسايد

[الحبيب]

والله مشكله ,,, عصابه هذي

ناس تسرق ,,, والناس تصلي

وشرطه تخالف ,,,, والناس تصلي




الله المستعان



الحبيب

[فتفوتة]

لا حول ولا قوة إلا بالله

[الوفاء كله]

السلام عليكم ورحمة الله وبركاتة
انا من رايي ان توضع كيمرات مراقبه مخفيه
وشكرا

[سراااب قطر]

شكلنا أخرتها بنتمشى في سوق واقف بزنوووبه أ وحافيين نرد لأيام أول هههه
لأن جد مب حاله كل ماشرينا نعال غيرنا كشخ فيها

لازم تكون هناك كاميرات مخصصة للنعل بس فالمسايد وصدقوني لو نصاد الحرامي بتحصلون كل نعلكم عنده لأنه هو شكله ماسك قسم سوق واقف وربعه فمسايد ثانية ههه

[رنوش]

الموضوع يستحق الطرح وما ي حل إلا يحطون كاميرات

جزاك الله خير

[الدكتوره]

لاحول ولاقووة إلا بالله أنا بالجامعه حطيتهم ودخلت المصلي بصلي رديت مالقيتهم

بس فيها خير والله حطت لي نعال مابقى طين ماصادهم وصخين بس العووض ولا الحريمه..

[قطري غيور]

اللـه يعطيكم العافيه أخواني وأخواتي ,,

بـالفعل قضيه لازم نـلاقي لها حـل .. لأن فشيله علينا صرآحه :(

كـربآج .. لقيت وآحد كـآشخ في نـعالك هههههه

لأنه هو شكله ماسك قسم سوق واقف وربعه فمسايد ثانية ههه


ههههههههههه تخصص أقـسام بـعد .. شكله رئيس قسم في سوق وآقف :)
أضحك الله سنك أخوي ..

شمس الشموس .. يـاحليلها فيها الخير مـاقصرت تركت نعالها لج ههههه

لاهـنتوا جـميعاً على الـتفاعل اللي أسـعدني

[وحيد قطر]

شر البيلة مايضحك

حد ينزل مستواه لسرقة ^نعاال^ !! الله يعزكم

والله المفروض يحطون ناس من التحريات