دوار عين خالد الى متى

[قطري من قدي]

الى متى الى متى الى متى
كلمه اوجهها الى ادارة المرور لين متى وهم مايحطون دوريه تضبط الدوار وتريحنا من هالزحمه اللي تقهر كل ما وصل اخوي المدرسه الصبح احصل زحمه شديده والحل والله بيد ادارة المرور ومعروف لدى الكل نبغي شرطي يوجه حركة السير في اللفه اليمين اللي تلاقيك اذا انت جاي من صوب عين خالد ورايح سيده الى مدخل الغانم الجديد هاللفه هي اساس الزحمه في الصبح لو انه في شرطيين واحد يضبط هاللفه والثاني يضبط السيارات اللي جايه من صوب دوار العزيزيه والله بنرتاح ثانيا لو يمنعون الشاحنات من دخول الغانم الجديد من الساعه 6:30 الى 8:00 يكون لانها احد اسباب الزحمه لازم الحل انا اكتب من حرة مافيني من هالدوار اللي مش عارف ليش مايحطون عليه دوريه ليه وش السبب يا ادارة المرور هم مايحطون الا يوم في الشهر ليه مايحطون بشكل دائم والله انهم لويحطون دايما كان افتكينا من هالزحمه من زمان ومنا الى ادارة المرور.
ملاحظه:ماننسى نشكر الدوريات اللي توقف عالدوارات الثانيه ونقولهم يعطيكم العافيه ولا تنسون دوار عين خالد ترا بحاجتكم.

[كرباج]

قمة الزحمة


واضم صوتي لصوتك

[مريوم]

الزحمه مو بس في دوار عين خالد هو في كل الدوحه زحمه

[سلمان_قطر]

اي والله يكون الزحمه حتى في الايام العاديه ..

ياريت لو يشوفون لنا حل الاخوان ..

ويعطيهم الف عافيه ع مجهودهم .. رجال الأمن ..

واضم صوتي مع الاخوان

[قطري من قدي]

الزحمه مو بس في دوار عين خالد هو في كل الدوحه زحمه
اختي دوارات الدوحه فيها دوريات لكن هالدوار ومعاه ايضا دوار العزيزيه مايحطون فيه دوريه ليش مادري هذا قصدي

[المياسة]

اضم صوتى للاخوان والاخوات

ويعطيهم العافيه رجال الامن على المجهود

[اللورد]

ان شاء الله تنحل هالامور

[بدر المحبة]

وانا اضم صوتي لاصواتكم واشكر رجال المرور ماقصروا

[قطري من قدي]

يالربع الموضوع شوي جاب نتيجه سكروا اللفه اليمين اللي تكلمت عنها في الموضوع