أأأأأأه من أشغال

[أحمد جاسم]

مدرسة رقية الأعدادية فى عين خالد
صار لها سنتين من أفتتاحها
ولازالت تفتقد الى شارع مسفلت
فى 1/9/2007 أبتدأو فى عمل شارع ترابي وتم التوقف بعد أسبوعين
ولسبب ما عملو حواجز للشارع الترابي
والأن نسير يوميا مسافة 400 متر على الأحجار للمدرسة

متى ستقوم أشغال برصف الشارع المؤدى الى المدرسة

[اماراتيه وافتخر]

الله يكون في عونكم

[رفيجة المديرة]

اتوقع ان ما في لكم امل يسون الشارع

يعني اغسلو يدكم

الحين الشوارع الرئيسيه ما سووها

في كل شارع حفريات و في كل شارع تصليحات

فضحونا في خلق الله

تبيهم يتذكرون مدرسة فيها اطفال و تنخض جبودهم من صبح على الحصى

عندي لك راي

شرايكم تشتكي عليهم في حقوق الانسان يمكن يرئفون بحال هالاطفال

مع ان حقوق الانسان تكفل حقوق الانسان الغير قطري فقط

القطري يقولون له كيفك انت وربعك تفاهم معاهم

عاد اشغال ما ينتفاهم معاهم

كله مسوين نفسهم مشغولين

و لا يردون على حد

[بنت قطر]

الله يعينك اخوي

ومثل ماقالت رفيجة المديره اشغال طول الوقت مشغولين المشكله يكسرون شارع ولا يكملونه ويروحون لغيره


وبعد سنه يتذكرونه الظاهر ويردون يكملون جزء منه

طيب يا اشغال ليش مو من الاول يسوون لهم سكاجول معين يعني من هالفتره لين هالفتره يخلصون الشوارع المعينه وبعد شوارع ثانيه

انا في بعض الاحيان احس ان من يسمعون شكوى يخلون الشارع اللي هم فيه ويروحون لشارع ثاني

تحياتنا لاشغال
بنت قطر

[بوسعد]

الله يعينك اخوي وانشاء الله يستجيبون اشغال ويرصفون الشارع

[اللورد]

اخوووي العزيز

بوسعد

ان شاء الله اخوووي ان اشغال تستجيب لكم بس بنفس الوقت الله يعينهم ويش يلحقون

تري عندهم اكثر من مشروع واكثر من منطقه

والله يكوون في العووون

وتقبل مروري


اخووووك


اللورد

[مشاعل الطبيشي]

اخواني اخواتي الصبر مفتاح الفرج

[غلا الريم]

اي والله وايد يكسرون الشوارع ويروحون
شوفوا منطقة معيذر صوب المناصير والمره كله مكسره وتاركينها
ويالله ويالله باص كروه يمشي
الف شكر ع الطرح

[السولعيه]

الله بالعووووووووووون

[أخت الذيب]

انا ما اقول غير الصبر وانشاء الله بتتحلل كل المشاكل

تحياتي

[الشمري]

اتوقع ان ما في لكم امل يسون الشارع

يعني اغسلو يدكم

الحين الشوارع الرئيسيه ما سووها

انا معاج في هذا الشي بذات يا ( رفيجة المديرة )


و صحيح احنا عندنا في المرخيه كل ما سواو شارع بعد يومين جو يكسرونه

والله مالهم حل والله

[فاقد الأمل]

الظاهر أشغال تاخذ نسبة من شركات السيارات على كل سيارة تتضرر

[صوت الوطن]

ننتظر لرد اشغال

الله يكون في عونكم

[قطري من قدي]

والله لازم هالاشغال يعينون كفاءات تشتغل بنشاط وبخبره لانهم عندهم خذلان وتكاسل في العمل وهذا دليل ضعف الاداره ودليل آخر على انه يجب اعادة هيكلة الشركه

[النبراس]

م الخيرات للجميع امـ بعد بخصوووص الشوارع والحفريات واعمال الطرق بتتعبون وانتو تشتكون انتو لوتلاحضوون مع لازم عند كل لفة حفريات ليش وكل مايسون شارع شزينه وحلاته بعد يومين قاصينه ومسووين حفريات ياحق الصرف الصحي ومادري ايش ليش مافيه تخطيط من البداية نحن نعلن من فوووووق قبة هذا المنبر ان احد يستجيب لندآآتنا وآآآآآآآآآآآآهاتنا والسلا ورحمة الله وبركاتة::(:(:(

[أحمد جاسم]

تم عمل الشارع المسفلت فى 15/4/2008
شكرا ل أشغال وللمنتدى على حل المشكلة

[الكعبي]

أه من أشغال الله يسامحهم خل يحلون أول مشاكلهم الداخلية

علشان أيحلون مثل هل النوع من المشاكل

الله كريم