نبى حل يا ادارة المرور ..

[المياسة]

الله يزيكم خير امس كنت بالاند مارك تونى بصف الباركن شليت الاحزام الامان اله الشرطى يصكنى مخالفه قالت له داشه الباركن حتى وانا فى الباركن احط الاحزام قال لى بعطى السايق مخالفه وحده اما العبرى لا يعنى 500 حاطين لنا اجانب مافى قلوبهم رحمه حسبى الله ونعم الوكيل فيهم
والله ظلم

[كرباج]

هذي حركاتهم ..!؟

مايخلونها..

المفروض يكون عندهم .. فكرة عن بعض المخالفات ..

مثل واحد طالع من المواقف .. او قدام البيت او محل يعني السيارة واقفة ..

المفروض مايصير فيها إجراء ... مخالفة ..

لكن شنقول .. الله يكون في العون

[ماسة قطر]

لا حول ولا قوة الا بالله ...


والله صارت معانا مره في السوق .. بس لما كلمناه شال المخالفه ... بس في بعضهم بلا رحمه ...

[رجـاوي قطـر]

بل بالموقف بعد ماشل الحزام !!

في بعض الشرطه الله يهديهم حاطين دوبهم بدوبنا ليش مدري

[بنت العلي]

هاااااااااااي تلقينه ما خالف حد يومها ولقاكم في ويهه وخالفكم .....

والله هذيله يبون يخالفون بالغصب

[ناصر العمادي]

لاحول ولا قوة الا بالله ...

ياجماعه معقوله هالشرطي يكون فاهم القانون صح ..

لما يصدر قانون من الطبيعي ماراح يكون مكتوب فيه الأماكن اللي تستوجب المخالفه ولكن الشرطي كأنسان عاقل وفاهم المفروض يعرف الصح من الغلط مب يروح يتصيد الناس في أماكن لاتعكس روح القانون والقصد منه ..

بكل أمانه مثل هذه المخالفات تجعل السائقين يضحكون على رجال الشرطه ويقللون من هيبتهم ومكانتهمه في المجتمع ..

مع أحترامي لكل أعضاء الشرطه مثل هذا التصرف يعتبر تخلف

نتمنى أن يتم أعطاء دورات لرجال الشرطه عن القوانين وكيفية تطبيقها لكي لايظلموا حد ولا تكون على المزاج ..

الله يعينك أختي

ونصيحه قابلي بوسعد ( الخرجي ) وهو ماراح يقصر بأذن الله

الله يوفقك ويبعد الأذى عن دربك أن شاء الله

تقبلي مني أجمل تحيه وتقدير وأحترام

[عالي مستواها]

!!!!!!!!

غريبة والله

بس زين قلتي لنا ننتبه ومانشيل الحزام حتى لو نزلنا من السيارة هههههههههه

[مريوم]

بقى علينا نرسم على الثوب رسمت حزام ههههههههههههههههههههههههههههههه

[جاجاسم]

الله يعطيك العافية أختى ،،

هل كان العبري ،، رابط الحزام قبل دخولك الموقف ؟

[هارلي ديفيدسون]

كان التفتيش مكثف في ذاك اليوم

انا تلعوزت منهم واحد منهم عند اشارات اللاند مارك

شافني من بعيد بسيارتي نيسان باب واحد من بعيد رفع

الدفتر ويبي يسجل بس كنت رابط الحزام

الحبيب خيبت ظنه وكان شكله اجنبي

والله بعضهم ما يرحمون

الله يعين

[المهنديه]

::

معقووله ..

شي غريب والله ..

اتمنى توعية هالفئه من رجال الشرطه

واتمنى يراعون العااالم

::

[بدر المحبة]

هذي صارت مع رفيقي في المطار ونفس الحركه صحوه بمخالفه استغرب وقال مايصير شلون تعطوني مخالفه قال الشرطي هذا شغلنا راجع ادارة المرور يعني بذمتكم هذا منطق او هذا يعقل كأنهم يبون يحصلون فلوس بأي طريقه وبس

[أحلى التفاصيل]

لاحول ولا قوة الا بالله ...

ياجماعه معقوله هالشرطي يكون فاهم القانون صح ..

لما يصدر قانون من الطبيعي ماراح يكون مكتوب فيه الأماكن اللي تستوجب المخالفه ولكن الشرطي كأنسان عاقل وفاهم المفروض يعرف الصح من الغلط مب يروح يتصيد الناس في أماكن لاتعكس روح القانون والقصد منه ..

بكل أمانه مثل هذه المخالفات تجعل السائقين يضحكون على رجال الشرطه ويقللون من هيبتهم ومكانتهمه في المجتمع ..

مع أحترامي لكل أعضاء الشرطه مثل هذا التصرف يعتبر تخلف

نتمنى أن يتم أعطاء دورات لرجال الشرطه عن القوانين وكيفية تطبيقها لكي لايظلموا حد ولا تكون على المزاج ..

الله يعينك أختي

ونصيحه قابلي بوسعد ( الخرجي ) وهو ماراح يقصر بأذن الله

الله يوفقك ويبعد الأذى عن دربك أن شاء الله

تقبلي مني أجمل تحيه وتقدير وأحترام

انا رايي من راي الاخ الكريم
كلامك صح وعين العقل

بس الواحد شيقول غير لا حول ولا قوه

يعطيكم العافيه

[قطري من قدي]

يالربع هالشرطي فاهم القانون صح ولكن رئيسه في العمل حالف عليه مايرد الا ودفتر المخالفات فل والا اسجنه يوم او ساعه وهذه اشياء صارت فعلا

[هجرس]

المخالفات ماتوقع لاحول ولاقوه الا بالله

[روح الروح]

الله يطول في عمرة محمد الخرجي

والله مايقصر .... الناس تتعب من كثر شكرهم لة

انا مرة حضرت محاضرة عن التوعية ...

وسمعت المحاضر يقول ان بعض شرطة المرور يحتاجون للتوعية !!!!!

تخيلواا ... يمكن يكون شرطي جديد ..^^ << حلوة شرطي جديد

ويمكن من الضغط ماانتبة للمخالفة .... ويمكن مثل ماذكر اخوي قطري من قدي ان مسؤولة حلف علية مايرجع الا ودفتر المخالفات فل ^^ هذي بعد سمعتها في المحاضرة

اختي قابلي المدير وان شاء الله بيساعدج ... الله يوفقة

تقبلي مروري