معاناة متدربين (قطر للبترول )

[وحداني قطر]

السلام عليكم ورحمة الله وبركاته

اما بعد ..

انا بتكلم بلسان اكثر من 5 اشخاص في قطر للبترول (التدريب)

وهذا اللي قاله لي احدهم ..

انا قدمت في شركة قطر للبترول

قدمت في تخصص معين وحطوني في تخصص ثاني .. قلت خير ونعمه عقب قعدنا ندرس انجليزي وقالو لو مانجحتو بنفنشكم .. شلون انتو توظفونا موظفين قطرين عقب تفنشونا

عقب قدمنا طلب للتحويل وقالو ان شاءالله خير وللحين محد رد علينا من 4 شهور تقريباً وكل مانراجعهم يقولون انطروو والحين احنا علينا ديون وفي بعضنا متزوجين وعندهم عيال ولحد الحين ماتثبتنا من كم سنه ..

الراتب ضعيف ولا في تثبيت .. عالاقل يحطونا سكيورتيه او فااير احنا راضيين بس نتثبت ونحس ان احنا مستقرين .. احنا مب صغار احنا كبار ولو فنشونا واحنا علينا ديون مافي وظيفه ثانيه بتقبلنا بسبب ديونا والبنك اذا اشتكى علينا بتتحول قضيه واذا تحولت قضيه .. بتكون مشكله لان ولا وظيفه ثانيه بتقبلنا وبتقولنا حلو قضاياكم وعقب تعالو .. اوكي شلون نحلها واحنا بدون وظيفه ولا راتب ..

اتمنى من الجهه المسؤله ان يشوفونا ويهتمون اكثر ويسوون اجتماع للشباب الي يبون يحولون ويتم تحويلهم ..

وشكراً

[قطري من قدي]

الشيخ في البدايه انت قدمت على اساس فني ولا اداري اذا على اساس فني فبتدرس انجليزي اول شي (6شهور في راس بوعبود) وبعدين بيطرشونك كلية شمال الاطلنطي تدرس سنتين او ثلاث وخلالهم(بالضبط بعد السنه الاولى) بتروح المصنع 6 شهور وطبعا بتختار اي شركة من شركات الغاز اللي هناك وبتكمل دراستك في الكليه ولكن غريبه انهم قالولك بنفنشك اذا ما نجحت انا ربعي سجلوا على اساس فنيين وماقالوا لهم هالشي
في حالة اذا سجلت اداري بيودونك على طول كليه وبتدرس انجليزي في الكليه ومعاها رياضيات وبعدين بتدرس سنتين ونص او ثلاث وبعدين اتثبت
ولكن الله يعينك الشيخ عليهم سالفتك غريبه الله يعينك وقلبي معاك

[اللورد]

ان شاء الله يزدون معاشاتكم مع الغلاء الموجود عندنا
الله يكون يعونكم وتنحل مشكلتكم

[مريوم]

يعطيك العافيه اخوي على الخبر

[قطر للبترول]

اخوانى ممكن تروحون السد بلازا عند الاخ احمد مولوى مدير الموارد البشريه ولا عند الاخ ناصر النعمه فى علاقات الموظفين الدور الرابع وتكتبون كتاب بس تكونون على يد قلب واحد وجادين فى الامر

وان شاء الله تنحل مشكلتم يارب والله يعينا على شله الاجانب المافيا هناك

[+خــالــد+]

اخوي كلامك هب واضح ابدا

من المعروف انه قطر للبترول تؤهل المتدربين لشتى القطاعات في الدوله ويعتبر قطاع التدريب من اهم واقوى الادوار الحيويه اللي تقوم فيها قطر للبترول للشباب القطري

واللي افهمه من كلامك انك ماجحت في الاختبارات اللي تؤهلك للاستمرار في اختيار احد البرامج الكثيره والمتنوعه اللي توفرها للشاب المتفوق

اتمنى عليك انك تراجع الاخوان في ادارة التدريب في راس بوعبود واذا كان لك حق بتاخذه

اتمنى لك التوفيق

[جاك الموت]

انا صارلي شهرين ونص في قطر للبترول وبينقعوننا 9 اشهر دراسه لغه انجليزي

بيدرسونا لفن 2 و3 و4 وبعدها الله واعلم يعني مافيه زواج ولافيه استقرار

يلعن ابو الحاله ياشيخ

[دبدوب-قطر]

يعطيك العافيه اخوي على الخبر

[هجرس]

على الله المستعان

[وحداني قطر]

شكرا على مروركم ويعطيكم العافيه وكل واحد يشوف بس الظاهر مايحتاج أتكلم عن قطر للبترول لأنها معروفه حبها للأجانب وطردها لعيال قطر وتعجيزهم في الدراسه وشكرا ...

[مزيون الشمال]

الله يعينك وقلبي معاك

[جامعيه]

الله يعينكم وتنحل مشكلتكم أنشالله وعيال البلد أولى من الأجانب الصراحه والأجانب لاعبين لعبتهم بكل مكان موبس في قطر للبترول للأسف حتى الجزيرة وهاي موقف صار لشخص قريب مني أنه لما راح للمقابلة وافقوا عليه وللأسف لما شافه المسؤول " تونسي " الجنسية رفض توظيفة وبعد فترة اكتشفنا سبب الرفض لأنه المسؤول وظف شخص من نفس جنسيته وطقاق يطق عيال البلد .....

[أحلى التفاصيل]

الله المستعان

انشاء الله تتحسن أوضاعكم ..

يعطيك العافيه على الخبر

[وحداني قطر]

شكرا على مروركم تحياتي لكم ...