نداء عاجل للجهات المختصه !!!!!

[الملك]

السلام عليكم ورحمه الله

نداء عاجل الي الجهات المختصه بمايحصل في الدوله وخاصه في المجمعات والكورنيش نرا مالم نراه من قبل من متبرجات وحركات ولبس غير لائق من النساء والرجال من الاجانب والقطريين ايضا ..
ياناس الساعه بتقوم علينا من اللي احنا اشوفه وساكتين عنه نطالب من الجهات المختصه بوضع قوانيين لهذا المهزله صرنا قطاوه ماكانا ناس مسلميين في دوله مسلمه شوفوا المجمعات ايش يصير فيها ايشيب الراس من اللي شفناه
والاجانب اهم في دوله مسلمه يحترمون الدوله اللي اهم فيها
والقطريات اصبحواتقاليدهم تقاليد الغرب وين الدين
انا اشوف مواقف وكاني في الغرب مش دوله اسلاميه
وين خدمه العضيد اللي اتقولون عنها انا ماشوف شي
ولا تقولون اتصل بخدمه العضيد اذا رايت موقف غير لائق ليش الموقف بينتظر لين تحضر العضيد بيخلص وبروح والعضيد ليين الحين ماجاء

ارجوا ارجوا ارجوا من الدوله وضع طوابط للي يصير عندنا عيالنا وبناتنا ماقمنا انوديهم للمجمعات وغيرها صارت اماكن مشبوه والله
نطلب الفزعه ياهل العضيد بان يكون في كل مجمع وماكن مشبوه رجل امن ..

شكرا ارجوا منكم الحل العاجل ..
لان الاوضاع تسوأ كثيرا...

[اللورد]

ان شاء اخووي يتم حله ووضع حل لاني مستغرب كل فتره وفتره يزدون ويطلعون بشي
ثاني


اكبر دليل عندك السعوديه

فيها اجانب

عمرك شفتهم لبسين مثل مايلبسون عندنا


الصراحه الواحد مايقدر يطلع اهله مكان



من الناس اللي ماتخاف الله



تسلم اخوووي عالطرح

[الملك]

والله ياليت اتشوفون حل بسرعه لانه اذا مافيه تداخلات من الدوله ولا بزيد نسبه الفساد في بلادنا
والسعوديه لان في هيئه الامر بالمعروف في كل مكان تظبط الكتله الفاسده دوله اسلاميه متمسكه بالدين..
انا وعائلتي ماقمنا نطلع انخاف انشوف بلاوي
والله اعرف بعض ربعي ايقولون احنا ماقمنا انطلع اهلنا للمجمعات والكورنيش واماكن التمشيه ايقولون مواقف اتصير قدامك ولا يحترمون اللي معاك والمشكله لما يكون معك اطفال ؟؟؟؟؟

شكرا اللورد

[عين أبوها]

انا الحمدالله ماشوف هالاشياء يمكن لاتي بيتوتيه ..

بس اذا كان هالشي صح ومنتشر بطريقه ملحوظه ..

فانتمنى من الجهات المسؤوله التدخل والحد من هالظاهره ..

يعطيك العافيه اخوي .. وهذا يدل على خوفك وحرصك ..

[الفارس القطري]

الله المستعان وتقبل مروري اخوي

[انتظار مصير]

الله يستر علينا وعلى بناتنا إن شاء الله

يعطيك العااافيه أخوي

[QATAR]

ومنا للعضيد ;)

[عبير مبارك]

منا للأمن الوقائي و لسفاراتنا الموجوده في البلدان الأجنبية نرجو تنبيههم و اخطارهم بأننا في دولة من أكثر دول الخليج محافظة على عاداتها وتقاليدها و نستاء من هذه المناظر و مع ذلك نحترم كل من يمشي على هذه الأرض الطيبة و نعتبرهم أخوة لنا

[الملك]

شكرا لردودكم وتفاعلكم.......

[عيني قطر]

يجب التحرك لوقف هذه المهزلة في بلادنا ونحن لنا دور أكبر في الامر بالمعروف والنهي عن المنكر ...سوف نتلقي باشخاص يجرحوننا لكن كله مثبت عند رب العالمين ..حيث امرنا الرسول في نهجه ..

[عين أبوها]

أخوي الملك ..

بالنسبه حق هالموضوع .. أنا سمعت خلال شهر أو شهرين بالكثير راح ينزل قانون بمنع هالشي ..

العبايات اللي الرص او اللي فيها كتابات والتمكيج والتكشف والشعر وكل هالسوالف ..

واللي سمعته .. أن اول مره راح اتكون مخالفه مالية وثاني مره مخالفه مالية وثالث مره سجن ..

هذا والله اعلم ..

[ماسة قطر]

صح كلامك اخوي الملك .............. المفروض الاجانب يحترمون قوانين الدوله ودينها ............. لانه بصراحة في مناظر الواحد يستحي يرفع عينه .
يا ريت لو يوقفونهم عند حدهم ..........
وتكون في قانين واضحة للاجانب اذا دشوا دولة مسلمة .........

[الملك]

السلام عليكم ورحمه الله

اليك هذا الرابط شكوى في منتدى الاسهم القطريه
ولكن هل من مجيب من المهزله الي تصير في دولتنا


يمنع وضع روابط للمنتديات

[دمي عنابي]

الله يعطيك الف عافيه على هذا الخوف على الوطن

واما بنسبه لتبرج فهذا بسبب ضعف الايمان في قلوب هؤالأ الذين يقلدون الغرب في تصرفاتهم ولبسهم وايضاً بسبب نقص التربيه عند الاسره

وانا اضم صوتي لصوتك في هذا الموضوع لانه اذا ما أوقفو هذه التصرفات فالمتضرر ابناْنا في المستقبل فلا حول ولا قوة ألأ بالله

واضيف نقطه مهمه وهو( سوق واقف ) الذي لم يعد سوق يحمل تراث اجدادنا
ولكن اصيح سوق ؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!!!


لكم مني الشكر

[بوغزلان]

ما اعتقد انه احد بسمع لك لانه هاااي يسمووونه الحريه وهاي اللي دمرنا والمشكله انا مع الحريه بس مب اللي يفهمها البعض غلط انه يغير بعاداته وتقاليده واخر شي لما تسئله يقولك حريه اهنيه المصيبه !!

ياما شفت مواقف والله اتحسر واقول وين اهلهم عنهم وين الرقابه عنهم بس الاب لاهي بالبزنز والام لاهيه باخر الموديلات وخذ يا ولدي هالبيزات وتصرف انزين اعرف شسوي ولدك بالفلوس وانتي يا بنتي هااج الجوال لج الفين ريال لميت للفاتوره انزين هل في مراقبه ؟ بس عموماً رد ولي الامر كله انا علي اصرف عليهم بس وهااااي اللي دمر عيالنا .

وتقبلوا مني هالمشاركه

[وطنـــــية]

اي والله انها مهزله .. والمشكله نلاقيها من وين ولا من وين ؟؟ من الأجانب ولا بناتنا الي للأسف لبس لا يمت للدين ولا لعاداتنا وتقاليدنا بصله !! لازم وقفه .. لازم حل ..