المطبات الصناعيه في الشوارع

[رفيجة المديرة]

http://www.m7bobti.com/kaar/im/krr5.jpg


بما ان برنامج وطني الحبيب صباح الخير

في هذه الايام مخصص للاشغال

و طرح الكثير من المستمعين قضيه المطبات الصناعيه في الفرجان و حتى في الطرق السريع

نطرح هذا الاستفتاء

هل انت مع او ضد المطبات الصناعيه و لماذااااااااا

التعليق مهم يعني ذكر الاسباب

ليش موافق او ليش رافض

و لكم تحيه شكر و تقدير يا وطني الحبيب صباح الخير

[بوسعد]

انا ماقدر اختار واحد من هالاختيارات ... لانه انا مع وضد في نفس الوقت

انا مع المطبات الي ماتكسر السياره وفي نفس الوقت ضد المطبات الي تكسر السياير

اما بالنسبه للاماكن طبا الخط السريع ليش يسمونه خط سريع وفيه مطبات \ اما الي في الفرجان فهذا شي لازم لانه فيه اطفال يطلعون فالشوارع

[عبير مبارك]

كثير من الناس طالبوا بتوحيد أشكال و أحجام المطات بحيث تناسب كل السيارات والمناطق السكنية

[صوت الوطن]

المشكله في كثرت المطبات في الشارع الى عنده واسطه تجد عندن منزله اكثر كن 3 او 4 مطبات

وانا مع اخوي / بو سعد بالنسبه للمطبات الى تكسر السياره

يعطيج العافيه اختى / رفيجة المديرة

[اماراتيه وافتخر]

يعطيج العافيه على ها الموضوع بس احسن في الفرجان وبين البيوت

[اللورد]

اختي الفاضله

يسلموو ع موضوعج الرائعه وانا مع اخوووي بوسعد والمستشار بالراي

بربي لاتشوفين منطقتي اللي ساكن فيها من كثر مطباتها

واللي يشووفيها مايقول مطبه يقول جبل صج موتري فرويل بس تكسر وتلخل منها


تقبلي مروري المتواضع في موضوعج الرائع

[رفيجة المديرة]

بو سعد

عبير مبارك

اماراتيه و افتخر

المستشار

اللورد

يا هلا بكم و يا مرحبا بكم

اخواني لي وافقتو على مطبات الفرجان

لان في بيتهم يهال

ترا كل بيت في قطر فيه يهال

يعني شنسوي ؟؟

نسوي مطبات جدام كل بيت ؟؟بتصير مطباتنا فيها شارع مو شوارعنا فيها مطبات

يا جماعة الشئ اذا زاد عن حده انقلب ضده

صار اللي عنده واسطه يتصل على المسؤلين و يطرشون له العمال

و يتمشى في الفريج مع زوجته و امه و اخته و يتدلعون

نبي اهنيه و حطو لنا اهنيه مطبه

مب حرااااااااااااااام

فريج جديد و منطقه راقيه كل بيت فيها مبني على 3 و 4 اراضي

و يبون الشوارع حق لعبه عيالهم

و الله ما ابالغ لو اقول لكم ان في محيط بيتنا 15 مطبه صناعيه

منها 2 مسويهم راعي البيت من وراء الحكومه

لما نبي ندلي حد بيتنا نقول له تعال بعد المطبات الثلاث لف يسار

و ليش المطبات عند بيت الواسطات بس

و الفقارى اللي عنده 6 او 7 يهال و بيتهم ما فيه حوش

ليش ما تسون له مطبتين يوسعون صدر عياله يلعبون فيهم

المفروض في قانون يحدد مكان المطبات

يعني مو اي حد يدق عليهم يقولون له حاضر

اذا البيت على تقاطع او شارع عام او يشكل خطر على الماره يحطون مطبه صغيره وحده

بهدف تخفيف السرعه مش تحطيم السياره

و تقبلو شكري و تقديري لكم و لرايكم




انا معارضه و بشده للمطبات

[مشاعل الطبيشي]

اخوي اللورد مافي احد احسن من حد في هذي الدنيا
في بعض الاشخاص حسب ما سمعت الي يبي مطبة يدفع
اذا كانوا يبون المطبة ابسرعة ( الي سمعتة ) بس من زمان
مادري هو لين الحين
بس انا مع ابو سعد اوافقة الراى واتمنى في كل بداية
فريج مطبة وحتة نهايتها وعند الدورات والاشارات اتمنى
يكون فيها المطبات المتتابعة الصغيرة علشان جميع
السائقين ينتبهون من وصولهم الي منطقة الخطر
اسفة علا الاطالة

[غلا الريم]

الف شكر ع الطرح وتم التصويت طال عمرج
بس في مطبات احيانا اتخلى السياره اتحك من تحت ولا تتكسر
الله يكون بالعون

[السولعيه]

تم التصويت خيتوووو

[وطن]

تم التصويت

ضد

لان أغلب المطبات اذا مو كلها
ما يراعون فيها التصميم الصحيح للمطب
ومعظمها تحك في السيارات النازله
او تكون دفشه مو انسيابية مثل المطبات في الدول الأخرى



وصحيح في فرجان فيها مطبات بالهبل وورى بعض !!
الواحد ما يمديه يمشي بالسيارة
بين كل مطب ومطب
مطب !!!

[قطري من قدي]

لازم تكون المطبات في الفرجان السالفه سالفة اللي يقحصون قدام البيوت + يهال وبعدين هذه فرجان للسكن مب لاستعراض السيارات وبالنسبه لي انا معارض فقط لكثرة المطبات يكفي وحده اول الفريج ووحده وسط الفريج ووحده آخر الفريج لان الواحد ماراح يسرع وهو جاي على مطبه وتقبلي تحياتي

[النبراس]

الحين خلهم يسووون شوارع عدلة مثل الاوادم وبعدين تحكو في المطبات الحين فية مطبات اشوفها والله التنكر شكبرة مايقدر يشقح الحين انا الفقير المسكين شاري سيارة 320 الف عشان تكسرها المطبااات انا معارض للمطبات داخل وخارج البلاد الا اذا كانت عند بيتنا عااادي تقبلووووووو مروووووري

[بو سعد]

مع المطبات في الفرجان ووجدام المدارس لكن تكون مدروسه بشكل ما ياثر على السيارات الا اذا مرت مسرعه ويكون ارتفاعها معقول ، وايضا اتمنى التركيز على ثقافة السواقين قبل وضع العراقيل لأن في النهاية المفروض يكون التعامل مع بشر ، طبعا البعض ممكن يقول ماكو فايده لكن اعتقد ان الناس فيها خير ومن خلال برنامج مكثف وراقي ممكن نتوصل للتقليل من الحوادث .

[حلا المغرب]

ضدددددددددددددددددد بكل قوتي
بتقولون لي ليش
خاطري اشتري سياره سبورت يعني بذمتكم احط فيها مبلغ محترم واخر شي ابطها مع اول مطب ما يصير يا جماعة الخير؟ هههههه
وصراحة أنقهر من الناس اللي يقولون لاء لازم مطبات صناعية في الفرجان علشان اليهال وكثرة السيارات
هاليهال وين اهلهم عنهم؟؟؟؟ يعني معقوله يخلون ياهل ما يتعدى 6 السنين يلعب بالشارع بروحه لا رقيب ولا حسيب ويا ريت 6 سنين والله ساعات اشوف يهال اصغر بوايد وبروحهم في الشارع استائل هذيلا وين اهلهم واذا كلش كلش مسنعينها يطلعون الخدامه معاه واغب الخدامات مع احترامي للكل طبعا يكونون مفهيات وهذا عن واقع.
عموما اعذروني اذا طلعت عن الموضوع شوي بس صراحه شي يقهر
تحياتي

[][عميد الحب][]

تم التصويت

اختي اشكركــ

يسلموووووو

[مشاعل الطبيشي]

اتمنى ان تكون مطبة في الدخلة للاذاعة
اي الفتحة الثانية بعد المحطة
وشكرا

[مناحي السادس عشر]

ياليت والله قدام كل بيت مطبه عشان يردعون هالمستهترين اللي اخر الليل رايحين جايين يا اخوان ترى مب كل بيوت قطر في احياء راقيه يعني قصدي فيه فرجان محد كفو يتسعرض فيها لانها اصلا تكون راقيه جدا بس فيه مناطق على قد الحال والله ضروريه هالمطبات انا من مؤيدي هالمطبات بشكل كبير جدا جدا

[ولد البوعينين]

كثير من الناس طالبوا بتوحيد أشكال و أحجام المطات بحيث تناسب كل السيارات والمناطق السكنية


السلام عليكم ورحمه الله وبركاته..

اختي عبير الله يعطيج الف عافيه ...

اختي اتمنى ان الي اطلبوه الناس يصير ...

والنقطه الثانيه اتمنى ان يحطون علامات عند المطبات ...

والله يعطيكم الف عافيه على البرنامج و المنتدى الجميل ..

[غـريـب]

السلام عليكم ورحمة الله وبركاته

اول شي يعطيج الف عافيه اختي على الموضوع

الي بصراحه معكنن علي انا حياتي

في ثلاث شوارع تؤدي لبيتنا وطبعاً شارعين منهم فيه مطبات والثالث مافيه بس بيحطون قريب

المهم

الشارع الاول فيه 3 مطبات والثاني فيه 4 مطبات

والشارع جديد !!

طيب اشلون شارع جديد ويركب عليه شكل ثلاث مطبات او اربع !!

تدرون على وجود المطبات بس سكان المنطقه (( المراهقين ))

يتعمدون يستعرضون على المطبات او بعدها عشان راعي البيت حطها عند بيته

يكفي بيت واحد في الشارع حاط له مطبتين وياليتهم جدام بيته لا قبل بيته بـ 15 متر تقريباً

عشان اروح بيتنا يدي تعضل من اللف في المنطقه عشان اتحاشى المطبات يعني يا لفات وايد مالها داعي يا تمر على مطبات وايد مالها داعي

وبالنسبه للتصويت ياجماعة الخير

ترا صوت طلع لي الاتي (( المصوتون: 21. لقد قمت بالتصويت من قبل على هذا الإستفتاء ))

وانا توني اشوف الموضوع !!

طيب متى صوت انا :confused:

ويعطيكم الف عافيه

اخوكم

غـريـب

[دمي عنابي]

اشغال جات واشغلت حيتنا في كل شيء طريق بوسمره والمطبات والجسور والعبارات الخاطئه وشوارع الرفجان وش قالو؟ قالوا خطه خمسيه لكن انا اقول خلطه سريه ؟؟؟؟؟؟؟؟؟

والله يعلم وش عاقبت الامور والله انه في قلبي كلام واجد وايد وحره على اشغال بتم لي بكره وانا اكتب


والله يعطكم العافيه

[ولد البلد]

السلام عليكم......
والله الموضوع جاي في وقته ..
أنا طبعا ضد ضد المطبات الصناعية والله كسرت سياراتنا ..
طبعا في وايد في قطر بيقولون لا عادي لأن الأكثرية عنده فورويل وتجاهلوا السيارت الرياضية والصالون .....
والله أنا من محبي السيارات الرياضية (( الأسبورت)) والمطبات عقدنا ودمرت وايد من سيارتنى السبب:
ماتجيك مطبه نفس العالم يا كبيرة وايد ، أو طويلة أو صغيرة ومرتفعة ..أخ

أنا أأيد المطبات الصناعية (( أنتر لوك )) تكون منخفضة وماتضر في السيارة وشكلها حلو بعد .

هذا رأي الشخصي وتحياتي....

[متقاعد]

السلام عليكم
نعم لها في الفرجان

فهناك من لا يلتزم بحدود السرعه في المناطق السكنية فا المطبات ضرورية

والشكر موصول للصاحب الموضوع