الوضع العشوائي للمطبات الصناعيه

[الحبيب]

السلام عليكم ورحمة الله وبركاته

اليوم اريد ان اتكلم عن المطباعات الصناعيه داخل الفرجان ووضعها العشوائي الذي لا يمت بصله الى السلامه ابدا.

كلنا نعرف ان مطبات السرعه هي لتهدئة السرعه واعطاء فرصه للشارع المقابل بالسير ولكن المطبات هنا وضعت لتعطيل السيارات. كيف هذا !!!

في شارع (عقبة بن نافع) في فريق المطار القديم . . وضعوا هناك اربع مطبات صناعيه كبيره الحجم !

حيث ان سيارة الدفع الرباعي تتأثر منها فما بالكم من سيارات الصالون او سيارات السبورت، فاليوم

مريت على هذه المطبات المدمره وقد (احتكت سيارتي احتكاكاً) قويا جداً من هذا المطبات الكبيره. علما

بأن هذه المطبات لم تصبغ حتى الآن وفي هطول الامطار لا نرى المطبات لأنها سوداء .

وطبعا . . اعضاء المجلس البلدي . . لايستطيعون عمل اي شي في هذا الموضوع الا رفع هذه الشكوى للجهات المختصه . . ويتم الانتظار الى ما بعد عيد الاضحى القادم ؟!

وطني الحبيب صباح الخير . . . هناك بعض الاسئلة اتمنى وجود اجوبة مقنعه من مسؤولين وضع هذه المطبات:

من سيدقع تكلفة السيارات المتضرره . . وهل سوف تنجح في الفحص الفني اذا ما اكتشفوا ان السياره متضرره من الاسفل . .؟؟ هل هناك تعاون بين ادارة الطرق وادارة المرور بشأن وضع المطبات . . والا كل واحد يحط مطبه جنب بيته ! ! هل هناك مقاييس وقوانين وضع المطبات الصناعيه؟؟؟


هذا ولكم جزيل الشكر


الحبيب

[كرباج]

أقتباس" والا كل واحد يحط مطبه جنب بيته "

هذا بلى ابوك ياعقاب

[هجرس]

يسلموووووووووو على الموضوع

ولازم يكون في دراسه لموضوع المطبات

[ماسة قطر]

فعلا ... هالمطبات خطر خاصة ايام المطر ... وفي الليل ...


نتمنى من اصحاب الشأن اخذ الموضوع بعين الاعتبار ...


كل الشكر لك على طرح الموضوع ..

[اللورد]

كلامك صحيح يالغالي
والحين كل واحد يحط جدام بيته مطبتين لو ثلاثه كسروا سياراتنا
نتمني تدخل المسؤوالين وعمل دراسه للمطبات
يعطيك العافيه اخوي ع الموضوع القيم والمهم وماقصرت
ونترقب جديدك

[|{~ديمووور~}|]

موضوع مهم جدا اخي الحبيب

واتمنى لو يتم ايصال رسالتك هذه الى المسؤلين لعل وعسى

يحلوووا هذه المشكله ...

وضروري يعملوا حسااااب للأحجام والمقاااايس حسب المعاااايير المتعارف عليها مو عشوائي ..
وايضا قضية الصبغ لان غالبا مافي حد ينتبه الا اذا
قد شعر بنفسه في الجو هههههههههه

تقبل تقديري

[ليتني معك]

مــوضوع مهم ,,

كلامك صح يا خوي ,,

اتمنى من المسؤولين النظـــر في الموضوع ,,

[بو ثامر]

الله يعين الي بمر صوبها

اتفق معك وان شاءالله يتحركون ويهتمون يعطيك العافيه

[رؤيه]

للاسف البعض صار يتفنن بها ويراها ضروره لابد منها وينفذها بدون شروط ولا مقاييس حتى ان البعض صار يتحاشى المرور من فوقها لانها تسبب الضرر لسيارته

مع وضعها تحت اشراف من الجهه المسؤوله


شكرا على الموضوع

[الحبيب]

اخواني وخواتي الاعضاء جميعاً

اللي ردو واللي شاهدوا الموضوع

مشكورين على المرور الكريم ولا هنتوا على ردودكم الطيبه


والسؤال هنا: هل سيكون هناك تجاوب من المسؤولين والا على ما يقولون .... اذن من طين والثانيه من عجين

وطااااااااااااااف



ودمتوا

الحبيب

[ولد الدوحة]

السلام عليكم

اشكرك اخوي على هالموضوع

المطبات هي وسيله لتخفيف السرعه .. لكن مثل ما تفضلت للأسف لا يوجد لها مقاييس وتغلبها العشوائية
نعم .. هي لتقليل السرعات .. لكن للأسف .. تم استخدامها استخدام خاطئ .. لكن الحين عندنا البديل .. ومادري ليش ما يتم استخدام هذا البديل .. طبعا قصدي الرادار ... يعني المفروض يتم استبدال جميع المطبات برادارات ... ويتم وضعها في الاماكن الصحيحه .. مثل جنب الاسواق والمدارس والحدائق العامه والمنحنيات مع وضع لافته واضحه تفيد بوجود رادار بهذه المنطقه عشان السايق يخفف من سرعته وهذا هو الغرض المطلوب .. وما يقومون باخفاء الرادارات مثل الي حاصل بالوقت الحالي .. والي بهالطريقه يحسسونا ان الغرض من الرادارات هو مادي بحت ومش تخفيف السرعات
وهالشي هو المتبع بالدول الاوروبيه ... يعني ما نشوف مطبات باوروبا .. لكن نشوف كثير من الرادارات والكل محترمها

واشكرك مره ثانيه اخوي على طرح هذا الموضوع

[فتى الدوحة]

لاحياة لمن تنادي

[المهنديه]

http://www.up.qatarw.com/get-12-2009-9w6j9y26.gif (http://www.up.qatarw.com/)
نتمنى يكون في تجاوب من المسؤولين

لأن فعلاث بعض المطبات غير طبيعيه!!

والي يحطون قدام بيوتهم مصخوها !

تسلم اخوي عالطرح

وان شاءالله نشوف اهتمام

دمت بود

[الحبيب]

اخواني مشكورين على المرور الكريم

ولكل من دلا بدلوه في هذا الموضوع اقوله ,, يعطيك العافيه على تجاوبك

واخوي ولد الدوحه ,, الله يسلمك انا اقول عن المطبات اللي في الفرجان . . يعني هذا الشارع عليه بيوت من الجهتين احنا ما نقول لا تحطون مطبات . حطوا المطبات مو مشكله مدام انها بتخفف سرعة بعض السائقين المتهورين هذا احسن لنا ولهم ولعيالنا . . بس المشكله في عدم الالتزام في قياسات المطبات

عندك مثلا المطبات اللي اتكلم عنها .. مافي ثنتين مثل بعض مع انهم اربع مطبات .. والله اني اتحاشاهم ومره قلت خلني اشوف الناس اشلون يعدون هالمطبات . . مثل ماقال واحد من الاعضاء يلاقون نفسهم في الجو مع القطريه
من سؤ استخدام المواصفات السليمه صدقني الكل بيتذمر . . بعدين قدام في نفس الشارع وتحديدا قبل لا توصل مبنى المرور والتحقيقات القديم هناك في مطبتين صغار (اش حلاتهم) بس بعد ما يسببون توقف للمتهورين.

اسف على الاطاله.


الحبيب

[قطري من قدي]

صدقت وااله هناك الكثير من المطبات في الدوحه

[بنت^البحرين]

عندنا وعندكم كللللللل خير

نفس الوضع والله ،، احنا بعد الحين موضة صايرة كل واحد حط يم بيته مطبتين ثلاث وراح .. والله سياراتنا تشلخت وصاروا يقرقعون من ارتفاع هالمطبات

الله يعينا ويعينكم

[الحبيب]

ابشركم .. بالنسبه للمطبات

اصبغوهم (بس) وخلوهم مثل ما هم ما صغروهم

قلت لكم ...... طاااااااااااااااااااااااااااااااااااااااف

على العموم هذا الشارع كنسلته من مشواري بتاتاً

يطول الدرب ولا تتكسر سياراتنا



الحبيب

[مريوم]

اخوي صادق بعض المطبات اجرام مب مطب مهما حاولت السياره الابتعاد عنها الا ما تسمع صوت السياره من تحت حسبي الله ونعم الوكيل

[عبداللـه]

صوب نادي السد حطوا مطبه ماكملت يومين ثلاث الا وشلوها
وهذا يدلك على التخبط اللي صاير

[ورده]

المطبه اذا كانت اكبر من المقايس والمواصفات المدروسة والمعتمدة اصبحت أذى لسيارة وصاحبها حيث يلحق السيارة اما كسر (الجامات) أو تسببت باحتكاك سيارات الصالون وفي النهاية صاحب السياره مضطر لتصليحها
وعلى هذا تكون تلك المطبات ((((أذى)))) والرسول -صلى الله عليه وسلم- أمرنا بأماطة الاذى عن الطريق ...
فالمفروض على الساده النظر في هذا الامر ((((رغم ان الشئ وااااضح مايبي له دراسه ولا تعمق بالموضوع
)))

شكرا لصاحب الموضوع